İdmançılar yarışın son günündə fərdi növ üzrə mübarizə aparıblar.

Fərdi növü üzrə nəticələr

Qadınlar arasında

I yer-Gachet Mollaret Axelle-Fransa

II yer-Harrop Emily -Fransa

III yer-Hiemer Johanna -Avstriya

Kişilər arasında

I yer-Bonnet Remi -İsveçrə

II yer-Equy Samuel -Fransa

III yer-Anselmet Thibault -Fransa

Mükafatlandırma mərasimində Beynəlxalq Xizək Alpinizm Federasiyasının Baş Katibi Jordi Canals Xizək Alpinizmi üzrə Dünya Kubokunun yüksək səviyyədə təşkilinə və qonaqpərvərliyə görə Azərbaycan Qış İdman Növləri Federasiyasının prezidenti Fuad Nağıyevə öz təşəkkürünü bildirib.

Qeyd edək ki, yarış Beynəlxalq Xizək Alpinizmi, Qış İdman Növləri Federasiyalarının və "Şahdağ Turizm Mərkəzi"nin təşkilatçılığı,Azərbaycan Hava Yolları, Sports System və Times Consulting şirkətinin, eləcə də Scalini restaranının sponsorluğu ilə keçirilib.

Yarışda 26 ölkədən: Azərbaycan, Türkiyə, Belçika, Bolqarıstan, Kanada, Çin Xalq Respublikası, Avstriya, Andora, İspaniya, Çex Respublikası, Fransa, Almaniya, İran İslam Respublikası, Qazaxıstan, Niderland Krallığı, Norveç Krallığı, Polşa, Qətər Əmirliyi, Slovakiya, Amerka Birləşmiş Ştatları, Böyük Britaniya, Yunanıstan Sloveniya və Fərdi Neytral İdmançılar (AİN) olmaqla 130-a yaxın idmançı iştirak ediblər.

Xizək Alpinizmi üzrə Dünya Kuboku 2026-cı ildə keçiriləcək Qış Olimpiya Oyunlarına lisenziya qazanmaq üçün kvalifikasiya yarışlarından biri hesab edilir.